التأسيس العلمى لكلمة وقاية

بسم الله الرحمن الرحيم

خلينا نفهم التأسيس العلمى لكلمة وقاية

•السؤال المهم جدا , اللى الكل بيسأله على هامش هذه الحكمة المشهورة.

هو أصلا في حاجة اسمها وقاية , المرض ده قضاء و قدر , واللى مكتوب على الجبين لازم تشوفه العين , ومفيش حاجة هتمنع قضاء ربنا انه يتحقق؟؟؟؟

•طبعا ونعم بالله

•الاجابة بقى , لا حضرتك اللى ماتعرفيهوش بقى , بعيدا عن الأمثال الشعبية والأفكار الجهنمية , أن الطب أصلا بيقسم علاج أى مرض الى 3 مراحل

•المرحلة الأولية (Primary prevention) :وده هى مرحلة الوقاية من المرض أصلا

•المرحلة الثانية (secondary prevention) : وده مرحلة الاكتشاف المبكر للمرض وعلاجه قبل ظهور كل أعراضه

•المرحلة الثالثة : (tertiary prevention) وده مرحلة علاج المرض بكل أعراضه ومنع حدوث المضاعفات.

•وزى ما احنا  شايفين ان الجزء الأكبر والأهم في علاج المرض هو المرحلة الأولية اللى بتحتوى على الوقاية من المرض (أو عدم دخول حالات جديدة في دائرة المرض)

•ومن هنا بتيجى أهمية الوقاية اللى هنتكلم عنها بعد كدة بالتفصيل ان شاء الله