الوقاية خير من العلاج

بسم الله الرحمن الرحيم

•انهاردة هاكلمكم عن المحور الأساسى  اللى بتدور حواليه فكرة لغة الصحة

•الفكرة ان في حكمة كلنا حافظينها و فاهمينها كويس جدا و وبتقول

 « الوقاية خير من العلاج»

كويس جدا كلنا فاكرينها أهه

•بس مين فينا بينفذها , أو مين فينا بيهتم بيها أصلا.

•طيب ممكن حد يحب يسأل  : أحيانا بتكون الوقاية مكلفة جدا , في الحالة ده تبقى مش خير ولا حاجة , أو أحيانا بتكون متعبة , تبقى برضه مش خير.

•هاقولك لأ , لأن احنا في المقارنة دلوقتى بنقارن بين الوقاية والعلاج , أيهما خير من الأخر ؟ طبعا الوقاية عارفة ليه؟؟

•لأنك لما بتختارى الوقاية انتى بتقومى بالمهام ده وانتى مش بتعانى ولا بتتألمى أو حاسة بأى تعب, لكن وانتى بتقومى بالعلاج فبيكون ده في ظل ألم جسدى و نفسى ومادى كمان, وبكدة فبتكون الوقاية هى خير علاج.

مثال:-

•لما بنقولك مثلا لو أطفالك هينزلوا البحر أو حمام السباحة , لازم يستخدموا كريم واقى من للشمس

 (SUN SCREEN) ممكن حد يقول ده بيبقى غالى ومالوش لازمة أنا هاخد بالى ومش هنقضى وقت طويل في المية ,,,,!!!!!

•لكن أنا هاقولك انتى هتدفعى فيه الفلوس وتدهنيه على جلد الأطفال وهم مبسوطين أحسن من انك تطنشى وتلاقى الأطفال جلدهم اتحرق والتهب وتضطرى تشترى كمية مراهم وكريمات معالجة لحروق الجلد وفى ظل ألم الأطفال وبكاءهم وتعبهم.

•فنصيحتى ليكى :- « اختارى صح»